Che tavyma hi'ã cheve

Aguapyta añoraïrõ ko tembipuru’i kova ndive. Arema opupu che akãme ahai haguã ava ñe’eme. Akokuehete ahendu he’i hikuai omombaretese ha hina ñe’e guarani Mercosur ryepype. Upeva che mbovy’a.

Ikatu nga’u ra’e oï mbo’ehara ava ñe’ême ikatupyry añeteva ikatu vaerã ombo’e ava ñe’e hekoitepe. Ha katu peva ha’e peteï mba’e nda che mbo vy’a pai va. Peva ndaha’ei mba’e pyahu, peva pe ñe pysãnga ou ara ambue yma güive. Yma mi, che mandu’a, roñe’e sapy’a ramo ava ñe’eme jeja’o ore aho’i “GUARANGO” pe roñehenoi, che tuja rire ma aju aikuaa mba’e pa he’ise la aipo GUARANGO; upepe ae aju aikuaa roñe’e hagüere ava ñe’eme ore ra’e “TEKOVE TIE’Y, TAVY, IKATU’YVA OIKO KARAI APYTEPE)” (peva he’i se GUARANGO). Ha ivai ve hangua la sitú, ahupyty 40 ary peva pe akã reheve.

Ha na che añoi aime peicha oikuaava ha peicha okakuaava, añepuranduminte che ko’anga: mba’eicha ikatu peva jaipe’a lo mitã akã güi. Ñepyrûmbyrã ja’ vaerã, ko’anga gua Paraguay ra’y no ñe’ei ava ñe’etepe, yma güive jaipuru JOPARA, peteï typy’û ava ñe’e karai ñe’endive. Oï ramo jepe mbo’ehao ha kuatia hai ava ñe’eme nda ha’ei macmaveva ikatu ohupyty peteï mbo’erã hekopeguava.

Añepyrû ha’e kuri añorairõ taha ko tembipuru kova ndive, ko COMPUTADOR ndoikuaai avañe’e, upe hagüerehe omyanyhe ko jehai tai pytã güi. Oimevaerã avei che heta hendape ajavy hina, nda ha’ei la aikumby porãitereiva avei la ava ñe’e, upevarehe voi katu ahai ko mba’e mbykymi, amo kirirï hangua che korazõ oikova akointe che atõï ajapo hangua kova.

Pe’eme guarã, mba’e peje: moõ oï ñepysanga tuichaveva ava ñe’e jaipuru haguã hekope. Na pei kumbyguasu ramo la ko’ape ojehaiva pe moï la pende apytu’û ry kueremi. Ñanoipytyvô ikatu haguã jaikuaa macmava ogüerekova iñakamê ava ñe’e rehegua.